चाल : मालवून टाक दीप
संपवून टाक पेग, पाजवून घोट घोट
बेवड्या किती दिसांत, लागले सुरेस ओठ
ह्या इथे नसानसात, झिंगते अजून रात
हाय! तू गमावलीस एवढ्यात का विकेट?
गार गार ह्या हवेत, उष्ण उष्ण घोट घेत
मोकळे करून टाक एक एक ग्लास ’नीट’
दूर दूर ह्या पबात, बैसलो निवांत पीत
सावकाश लोचनांनी बार नर्तिकेस लूट
हे तुला कधी कळेल? मद्य ना मला चढेल
लागते खरेच काय? सांग नाविकास बोट
काय हा तुझाच र्हास, एवढ्यात तू खलास
ऊठ रे अता भरेल, पापडावरीच पोट
बेवड्या किती दिसांत लागले सुरेस ओठ
Monday, February 16, 2009
Thursday, January 29, 2009
स्वप्न एखादे जणू...
चार चौघांसारखे आयुष्य माझे चालले
चार चौघांसारखे त्यालाच मी ही कोसले
स्तब्ध आहे केवढे पाणी तुझ्या डोहातले
स्वप्न एखादे जणू आतून आहे गोठले
घेतल्या काढून त्यांनी शृंखला पायातल्या
वाटले मी मुक्त झालो; पाय तोवर तोडले
दोष हा त्यांचा कसा? जर टाळले त्यांनी मला
मीच मूर्खासारखे मुद्दे विरोधी मांडले
मी किती ठोठावले पण दार ते उघडेच ना
का असे माझ्यावरी माझेच मन रागावले?
हाय! छळवादी किती आहे सुखाचे फूल हे
मी पुरा कोमेजलो तेव्हाच का ते उमलले?
पत्थराला धडकुनी फुटल्या किती लाटा जरी
भंगले नाही तरी नाते कधी त्यांच्यातले
ह्याचसाठी सामना करण्यास घाबरतो तुझा
पंच, खेळाडू, नियम! सारे तुझ्या गोटातले
चार चौघांसारखे त्यालाच मी ही कोसले
स्तब्ध आहे केवढे पाणी तुझ्या डोहातले
स्वप्न एखादे जणू आतून आहे गोठले
घेतल्या काढून त्यांनी शृंखला पायातल्या
वाटले मी मुक्त झालो; पाय तोवर तोडले
दोष हा त्यांचा कसा? जर टाळले त्यांनी मला
मीच मूर्खासारखे मुद्दे विरोधी मांडले
मी किती ठोठावले पण दार ते उघडेच ना
का असे माझ्यावरी माझेच मन रागावले?
हाय! छळवादी किती आहे सुखाचे फूल हे
मी पुरा कोमेजलो तेव्हाच का ते उमलले?
पत्थराला धडकुनी फुटल्या किती लाटा जरी
भंगले नाही तरी नाते कधी त्यांच्यातले
ह्याचसाठी सामना करण्यास घाबरतो तुझा
पंच, खेळाडू, नियम! सारे तुझ्या गोटातले
Wednesday, November 26, 2008
मेघ आषाढातही आटेल आता
मळभ मंदीचे नभी दाटेल आता
मेघ आषाढातही आटेल आता
काळजाला ती घरे पाडून गेली
वर तिचा संसारही थाटेल आता
पेच माझी ’मी’ पणाशी लागलेली
कोण कोणाला बघू काटेल आता!
साकडे त्याच्याकडे घालू कसे मी?
भय असे की दु:ख तो वाटेल आता
सुप्त ओलावा नद्यांचा लुप्त झाला
सागराला कोरडे वाटेल आता
जन्मत: मी फाटका होतो तसाही
शोक का मग जर कफ़न फाटेल आता?
मी असा ठिपक्यात आहे विखुरलेला
कोण रांगोळीस रेखाटेल आता?
तू कुठे होतोस त्यांना सहन मौना
गप्प करण्याचे तुला घाटेल आता
जिंदगी अस्पृश्य तर होतीच माझी
कावळा त्यांचा म्हणे बाटेल आता
मेघ आषाढातही आटेल आता
काळजाला ती घरे पाडून गेली
वर तिचा संसारही थाटेल आता
पेच माझी ’मी’ पणाशी लागलेली
कोण कोणाला बघू काटेल आता!
साकडे त्याच्याकडे घालू कसे मी?
भय असे की दु:ख तो वाटेल आता
सुप्त ओलावा नद्यांचा लुप्त झाला
सागराला कोरडे वाटेल आता
जन्मत: मी फाटका होतो तसाही
शोक का मग जर कफ़न फाटेल आता?
मी असा ठिपक्यात आहे विखुरलेला
कोण रांगोळीस रेखाटेल आता?
तू कुठे होतोस त्यांना सहन मौना
गप्प करण्याचे तुला घाटेल आता
जिंदगी अस्पृश्य तर होतीच माझी
कावळा त्यांचा म्हणे बाटेल आता
Tuesday, September 9, 2008
जिंदगी
जशी जिंदगी ढळू लागली
काळसावली छळू लागली
कुपोषणाची कीड पसरता
नवी पालवी गळू लागली
शांति-ज्योत ही पेटविल्यावर
शांतता होरपळू लागली
दुनियेची बस तुडुंब भरली
जिंदगी लोंबकळू लागली
कशास फुंकर तिने घातली?
जखम पुन्हा भळभळू लागली
जरी आंधळा तरी जगाची
नेत्रपल्लवी कळू लागली
गंध तिचा वाऱ्यावर फिरला
कळी कळी दरवळू लागली
अशी जन्मभर तेवलीस की
ज्योत उराशी जळू लागली
पाय रोवुनी उभी रोपटी
वादळेच उन्मळू लागली
काळसावली छळू लागली
कुपोषणाची कीड पसरता
नवी पालवी गळू लागली
शांति-ज्योत ही पेटविल्यावर
शांतता होरपळू लागली
दुनियेची बस तुडुंब भरली
जिंदगी लोंबकळू लागली
कशास फुंकर तिने घातली?
जखम पुन्हा भळभळू लागली
जरी आंधळा तरी जगाची
नेत्रपल्लवी कळू लागली
गंध तिचा वाऱ्यावर फिरला
कळी कळी दरवळू लागली
अशी जन्मभर तेवलीस की
ज्योत उराशी जळू लागली
पाय रोवुनी उभी रोपटी
वादळेच उन्मळू लागली
Wednesday, August 13, 2008
यथेच्छ खातेस ऐकतो...
प्रेरणा : वैभव ची अतिशय नितांत सुंदर गझल 'सुखात आहेस ऐकतो'
मूळ गझल :
सुखात आहेस ऐकतो ! हे कसे जमवतेस सांग ना!
तुडुंब डोळ्यामधील पाणी कुठे लपवतेस सांग ना !
अजून गेली नसेल ना ती रुसावयाची सवय तुझी?
कुणी न समजावता मनाला कसे हसवतेस सांग ना!
अता तरी आणखी न कोणी तुझ्याविना आरशामधे
कुणास पाहून लाज-या पापण्या झुकवतेस सांग ना!
नव्यानव्या दागदागिन्यांची ददात नाही तुला जरी
कशास देहावरी जुने चांदणे मिरवतेस सांग ना!
मधेच दचकून जाग येता तुटे तुझी निग्रही निशा
अशा क्षणी एकसंधशी तू किती उसवतेस सांग ना!
खरोखरी जर तुला तहाचा नसेल संदेश द्यायचा
धुकेजलेल्या दिशांवरी नाव का गिरवतेस सांग ना!
खड्या पहा-यावरी असा भूतकाळ नेमून ठेवला
स्वतःस माझ्याविना जगाया कधी शिकवतेस सांग ना!
--------------
यथेच्छ खातेस ऐकतो हे कसे जमवतेस सांग ना
तुडुंब पोटामधील खाणे कुठे लपवतेस सांग ना
अजून गेली नसेल ना ती चरावयाची सवय तुझी?
म्हशींप्रमाणे रवंथ करुनी कसे पचवतेस सांग ना!
अता तरी आणखी न कोणी तुझ्याविना ह्या घरामधे
किलोकिलोने कश्यास ह्या कोंबड्या शिजवतेस सांग ना
नव्या नव्या गोड जिन्नसांची ददात नाही तुला जरी
कशास ताटामधे शिरा कालचा मिरवतेस सांग ना
परात चापून लाडवांची भरून जाते पोट तरी
अश्याच त्यावर सहस्त्र जिलब्या कश्या रिचवतेस सांग ना!
खरोखरी जर तुला न खाता उपास आहे करायचा
भुकेजले पोट, त्यावरी हात का फिरवतेस सांग ना
बका बका खाउनी तुझे हे शरीर फुगले फुग्यापरी
कशास हत्तीस त्या बिचाऱ्या उगी भिववतेस सांग ना
मूळ गझल :
सुखात आहेस ऐकतो ! हे कसे जमवतेस सांग ना!
तुडुंब डोळ्यामधील पाणी कुठे लपवतेस सांग ना !
अजून गेली नसेल ना ती रुसावयाची सवय तुझी?
कुणी न समजावता मनाला कसे हसवतेस सांग ना!
अता तरी आणखी न कोणी तुझ्याविना आरशामधे
कुणास पाहून लाज-या पापण्या झुकवतेस सांग ना!
नव्यानव्या दागदागिन्यांची ददात नाही तुला जरी
कशास देहावरी जुने चांदणे मिरवतेस सांग ना!
मधेच दचकून जाग येता तुटे तुझी निग्रही निशा
अशा क्षणी एकसंधशी तू किती उसवतेस सांग ना!
खरोखरी जर तुला तहाचा नसेल संदेश द्यायचा
धुकेजलेल्या दिशांवरी नाव का गिरवतेस सांग ना!
खड्या पहा-यावरी असा भूतकाळ नेमून ठेवला
स्वतःस माझ्याविना जगाया कधी शिकवतेस सांग ना!
--------------
यथेच्छ खातेस ऐकतो हे कसे जमवतेस सांग ना
तुडुंब पोटामधील खाणे कुठे लपवतेस सांग ना
अजून गेली नसेल ना ती चरावयाची सवय तुझी?
म्हशींप्रमाणे रवंथ करुनी कसे पचवतेस सांग ना!
अता तरी आणखी न कोणी तुझ्याविना ह्या घरामधे
किलोकिलोने कश्यास ह्या कोंबड्या शिजवतेस सांग ना
नव्या नव्या गोड जिन्नसांची ददात नाही तुला जरी
कशास ताटामधे शिरा कालचा मिरवतेस सांग ना
परात चापून लाडवांची भरून जाते पोट तरी
अश्याच त्यावर सहस्त्र जिलब्या कश्या रिचवतेस सांग ना!
खरोखरी जर तुला न खाता उपास आहे करायचा
भुकेजले पोट, त्यावरी हात का फिरवतेस सांग ना
बका बका खाउनी तुझे हे शरीर फुगले फुग्यापरी
कशास हत्तीस त्या बिचाऱ्या उगी भिववतेस सांग ना
Subscribe to:
Posts (Atom)